A falta de maiores concreçons sobre a informaçom, confirmamos que os independentistas galegos detidos pola Polícia espanhola na paróquia de Salcedo na madrugada de onte fôrom enviados a prisom nesta manhá. Óscar S. B. foi dispersado ao centro penitenciário de Soto del Real em Madrid e Jurjo R. O. ao centro de menores de Los Rosales em Carabanchel. Engadiremos novos dados sobre esta mesma informaçom a medida que os recabemos nas próximas horas. Do organismo popular anti-repressivo chamamos, se calhar, com mais intensidade, a umha ampla participaçom nas concentraçons e actos convocados para esrta tarde. Cárcere e dispersom ilegal. A histórica receita para tratar a “febre independentista” –por utilizarmos a tradicional terminologia espanhola que patologiza os opositores políticos- aplica-se mais umha vez. Óscar S. B. e Jurjo R. O. fôrom enviados nesta manhá a prisom por um juíz espanhol dos tribunais de excepçom. Quando ainda desconhecemos que trato suportárom ambos patriotas galegos por parte dos seus captores, assim como as condiçons penais e carcerárias em que se encontram, queremos apontar que nem a solidariedade incondicional com os nossos repressaliados e repressaliadas, nem a luita que desenvolve a militáncia galega em favor da liberaçom nacional e social deste País, vam cessar por muito que criminalizem, agredam, torturem ou encarcerem. Podem provocar dor e sufrimento como estám a fazer. Podem punir e perseguir. Podem utilizar os seus meios para converter em verdade a mentira mil vezes repetida. Mas sempre seguirám a ser uns imperialistas fracassados. Anunciou-no um destacado patriota galego do século XX e reafirmamo-lo nós neste século XXI. LIBERDADE PATRIOTAS GALEGOS! ADIANTE A LUITA POLA DIGNIDADE E A INDEPENDÊNCIA! NOM PASSARÁM!