Jurjo R. O. e Óscar S. B. sairám nesta noite em direcçom a Madrid. Após as gestons desenvolvidas nesta tarde pola Polícia espanhola e os julgados ordinários, os dous militantes independentistas partirám para a capital de Espanha. Aguarda-se que sejam postos a disposiçom dos juízes da ‘Audiencia Nacional’ na manhá do dia 15. Concretamente, Jurjo R. O. será conduzido ao Julgado Central de Menores e Óscar S. B. ao Julgado Central nº 4 do tribunal de excepçom. Os magistrados das respectivas salas determinarám a situaçom penal de ambos patriotas galegos. Os advogados nomeados por ambos detidos deslocarám-se também nesta noite à capital espanhola para poder assisti-los na sua próxima posta a disposiçom judicial. Por outra parte, segundo informaramos, concluírom na tarde passada os registos dos dous domicílios vigueses. Fontes próximas destes registos transmitírom a este portal a impresionante inteireza e dignidade com que os jovens afrontárom esta parte do procedimento policial e toda umha situaçom na que morvo mediático, interesses políticos e repressivos e aparências judiciais se mesturam para sentenciar o futuro imediato de ambos independentistas. Seguiremos informando. LIBERDADE PATRIOTAS GALEGOS! DEFENDER A TERRA NOM É DELITO! ÓSCAR, JURJO, LIBERDADE!