Se os últimos dias som de repressom policial e judicial e de violência selvagem contra a militáncia independentista que trabalha no País, a situaçom nom parece ser muito diferente –com o notório agravante da privaçom continuada de liberdade- para aqueles militantes galegos que se encontram em prisom. Assim, José Manuel Sanches Gorgas e Santiago Vigo Domingues, recentemente dispersados para o centro penitenciário de Mansilla de las Mulas (Leom), fôrom sancionados a permanecer durante 72 em isolamento total. O “motivo” aparente para que a direcçom de Mansilla de las Mulas procedesse a este tratamento punitivo ‘excepcional’ é a negativa de ambos patriotas galegos a compartilharem a sua cela com presos sociais. Tanto Vigo quanto Gorgas rechaçárom na passada terça-feira compartilhar as suas celas com presos sociais e a direcçom do centro penitenciário optou por conduzir ambos para o módulo de isolamento do que sairám nesta sexta-feira. Desconhecemos a situaçom em que neste momento se podem encontrar ambos presos independentistas, dado que a comunicaçom com o exterior também foi restrita. À espera de jos_content informaçons, convidamos as nossas leitoras e leitores a reforçar o fluxo de comunicaçom de ambos militantes galegos com o exterior através do envio de correio postal e a participaçom nas listagens de visita ao cárcere. Mais umha vez, exigimos o cessamento de todas as medidas repressivas aplicadas a ambos patriotas galegos, a imediata transferência para um cárcere situado no nosso território e a sua liberdade. Os actuais destinos penitenciários de ambos cidadáns galegos som os que se apontam a continuaçom: JOSÉ MANUEL SÁNCHEZ GORGAS Centro Penitenciario de Mansilla de las Mulas Paraje Villahierro 24210-León ESPANHA SANTIAGO VIGO DOMÍNGUEZ Centro Penitenciario de Mansilla de las Mulas Paraje Villahierro 24210-León ESPANHA DEFENDER A TERRA NOM É DELITO! LIBERDADE PATRIOTAS GALEGOS!