A repressom lançada neste domingo contra manifestantes galeg@s que rechaçavam a mobilizaçom em defesa do espanhol convocada por ‘Galicia Bilingüe’, e apoiada por diversas organizaçons de extrema direita, continua a produzir notícias. Nesta manhá era detido na sua morada em Ourense por agentes da Polícia espanhola o jovem Roberto Conde em relaçom aos factos do dia 8. Conde fora identificado, como muitas outras pessoas, quando nesse dia tratava de exercer o seu direito à liberdade de expressom. O início das cárregas policiais que se estendérom por toda a capital galega impediu que o jovem recuperasse a sua documentaçom. O jovem independentista encontra-se incomunicado neste momento na esquadra da Polícia espanhola em Ourense. Comunicada a situaçom ao organismo popular anti-repressivo, estám-se a realizar os trámites necessários para conhecer o estado em que se encontra o detido, colocar assistência letrada e, sobretodo, começar umha denúncia informativa pública desta nova detençom política. De certeza, todos os políticos profissionais, meios empresariais de difusom, opinólogos, etc. que nestes dias estám a quentar o ambiente exigindo “medidas exemplarizantes” contra “os radicais” poderám estar satisfeitos da prontitude com que as FSE respondem às suas demandas. Finalmente, de Ceivar queremos advertir à militáncia galega que neste domingo participou na contestaçom à mobilizaçom em favor do extermínio definitivo do galego sobre a possibilidade de que, umha vez que a Polícia espanhola examine o material fotográfico próprio, jornalístico e de vídeo-vigiláncia gravado em 8 de Fevereiro, se produzam jos_content detençons. Queremos alertar às pessoas que neste momento pudessem ser objecto destas para que contactem quanto antes com a militáncia de Ceivar a fim de facilitar-lhes contacto com a rede de advogad@s do organismo popular anti-repressivo e articular a resposta da rua às detençons que se podam produzir. Seguiremos informando. ROBERTO LIBERDADE! DEFENDER A LÍNGUA NOM É DELITO! STOP REPRESSOM!