De Ceivar queremos informar da posta em liberade da cidadá galega Catalina Alonso. A vizinha de Vigo fora detida no operativo repressivo desatado quarta-feira contra o independentismo galego. Depois de passar três dias sob a lei antiterrorista, incomunicada e coas garantias processais de qualquer estado de direito suspendidas, Cata Alonso foi posta em liberdade. Ela como o resto de detidos e detidas e seus familiares foram alvo dumha intensa campanha, perversa e miserável, durante estes dias por parte dos meios de comunicaçom empresariais e institucionais. Que negaram a presunçom de inocência, julgaram, condenaram e afirmaram categoricamente a sua pertença a umha organizaçom armada. Nom podemos nem devemos esperar nada desta caricatura de jornalismo, destes mercenários da guerra que livra o estado espanhol contra o nosso povo e escpecialmente contra a dissidência política. Nem honestidade nem umha rectificaçom e umha desculpa pública pola atrocidade cometida contra esta galega. De Ceivar enviamos um forte abraço solidário a Cata e a todos os seus seres queridos que sofreram com ela toda esta aldragem.