A campanha de criminalizaçom que desde Dezembro iniciou o PP para encerrar os centros sociais compostelanos O Pichel e Henriqueta Outeiro e a Sala Nasa, acusados todos de “colaborarem com o terrorismo”, começa dar os seus frutos: após analisar exaustivamente a documentaçom d’O Pichel, o governo local da capital galega “descubriu” que o centro social carece do preceptivo elevador para discapacitad@s e anuncia que será encerrado se no prazo dum mês nom se instalar esta máquina. O seu custo é de 10.000€ e o primeiro abono de 5.000€ deve fazer-se nesta semana. A aplicaçom selectiva da medida interpreta-se como umha tentativa de contentar os fascistas locais. Chamamos portanto à solidariedade económica de urgência para impedir que se culmine a tentativa do PP de encerrar este centro social. Segundo informa o web do Pichel, o número de conta de ‘Caixa Galicia’ para fazer ingressos sob o conceito “Achega para o elevador” é 2091 0316 92 3000223595. Aliás, podem-se mercar bónus-ajuda no próprio centro social. Extorsom selectiva Neste caso, a exigência por parte das autoridades municipais de que as normas de acessibilidade a um local se cumpram de modo urgente, sob ameaça de encerramento, delata intencionalidade política clara: dezenas de locais comerciais de Compostela carecem dessas medidas de acessibilidade sem que tal limitaçom fosse motivo de ameaças de encerramento ou denegaçom da apertura. Assim, nom podemos interpretar esta medida administrativa mais que como um modo ‘legal’ de extorsom selectiva que procura saciar os desejos do ultradireitista Gerardo Jesús Conde Roa, porta-voz local do PP, promotor imobiliário e advogado que estivo e/ou está vinculado à seita fundamentalista Opus Dei. Chamamos a leitoras e leitores do portal a dar a máxima difusom a esta informaçom e activar a solidariedade económica com o centro social de Compostela. SOLIDARIEDADE COM O PICHEL! STOP À REPRESSOM ECONÓMICA!