Após a dispersom do independentista Santiago Vigo de Mansilla de las Mulas (Leom) para Valdemoro (Madrid), semelha que ‘Instituciones Penitenciarias’ projecta seguir aplicando políticas de excepçom ao militante galego. Segundo pudo saber a sua família nesta manhá através de chamada telefónica, a direcçom do cárcere espanhol proibe agora ao preso político galego saír ao pátio com outros presos. A impossibilidade de partilhar pátio soma-se à recente classificaçom de Vigo em 1º grau para ‘presos preventivos’ através da aplicaçom do artigo 10. O preso independentista galego comunicou nesta manhá à sua família a proibiçom imposta pola direcçom de Valdemoro para que aceda ao pátio do módulo no tempo em que o fam outros presos. Esta situaçom, além de demonstrar que se perpetua umha ‘persecuçom’ sistemática contra a sua pessoa nos distintos centros carcerários a que é destinado, fai com que Sánti Vigo passe diariamente 20 horas encerrado na cela e que, nas 4 que dispom de pátio, também nom poda comunicar-se com nengum outro preso. A intencionalidade política destas medidas é mais do que evidente e nom precisa comentários. Módulo 4 À espera de confirmaçom definitiva, o preso político galego encontraria-se actualmente no Módulo 4 de Valdemoro. Recordamos que, segundo informou no passado dia 2 o portal estatal La Haine, neste módulo está a desenvolver-se umha greve de fame de 15 presos em solidariedade com o seu companheiro e preso enfermo Antonio Porto Martínez. Porto leva preso desde 1983, é dizer, 26 anos, e um julgado de València vem de comunicar-lhe a imposiçom de duas jos_content condenas de 20 e 12 anos respectivamente na que já é, de facto, umha condena a cadeia perpétua. Porto Martínez tem destacado na sua larga ‘campanha’ em prisom por denunciar a dispersom, a tortura, as malheiras, etc. Actualmente, a direcçom de Valdemoro proibiu também as comunicaçons externas com a sua família polo que os seus 15 companheiros em greve de fame e pátio consideram, em referência às autoridades políticas da prisom, que “por manter-se firme ante todas as injustiças, agora se estám a tomar a vingança com ele”. Pode-se alargar informaçom em espanhol no linque que aparece ao pé desta notícia. Compromisso na correspondência Animamos a leitores e leitoras deste portal a enviarem correspondência postal tanto a Sánti Vigo quanto a José Manuel Sanches, que continua submetido a regime de isolamento na prisom de Leom desde o passado 10 de Fevereiro, data em que ambos se negárom a renunciar ao seu direito a umha cela individual. Os actuais destinos forçosos dos dous patriotas galegos na dispersom som: SANTIAGO VIGO DOMÍNGUEZ Centro Penitenciário de Madrid III Ctra. Pinto-San Martín de la Vega, km. 5 28340 Valdemoro (Madrid) ESPANHA JOSÉ MANUEL SÁNCHEZ GORGAS Centro Penitenciario de Mansilla de las Mulas Paraje Villahierro 24210-León ESPANHA LIBERDADE PATRIOTAS GALEGOS! PSOE TORTURADOR!