Após meses em suspenso, o blogue ‘Com os pés na Terra’ em que participam os independentistas Giana Gomes, Sánti Vigo, Ugio Caamanho e José Manuel Sanches, actualmente presos e dispersadas, respectivamente, em Brieva (Ávila), Aranjuez (Madrid), Puerto de Santa María (Cádiz) e Aranjuez (Madrid), retomará o ritmo de publicaçom que em cada momento permitam as circunstáncias penitenciárias. Pode-se aceder a este web através da ligaçom que se anexa ao pé desta informaçom. O blogue ‘Com os pés na Terra’ recolheu na sua primeira etapa opinions, relatos e reflexons sobre a vida carcerária e a luita política redigidos polos presos independentistas. Essa será nos próximos tempos a tónica a seguir neste meio que contribue humildemente para crevar o muro de incomunicaçom e isolamento que o Executivo espanhol quer impor a@s pres@s independentistas. Essa é exactamente a nossa conceiçom do blogue: nada a ver com a exposiçom dessas “directrizes” de obrigado cumprimento de que gostaria Grande-Marlaska nos seus sumários, ou com verdades inapeláveis que, de se construir, serám, sempre, o produto colectivo de quem temos o privilégio de viver, luitar e trabalhar dia-a-dia nesta Terra. Convidamos portanto de Ceivar à visita regular de ‘Com os pés na Terra’, um projecto do que pretendemos abrir umha nova etapa caracterizada pola maior regularidade nas achegas e opinions. Pode-se aceder a ‘Com os pés na Terra’ através do linque que figura ao pé desta informaçom.