O preso independentista galego Ugio Caamanho foi dispersado nesta fim-de-semana passada ao centro penitenciário de Valdemoro (Madrid), com motivo dos trámites burocráticos que tanto ele quanto Giana Gomes deverám realizar no próximo dia 17 perante a Audiência Nacional de Espanha. A transferência do independentista galego de Puerto de Santa María para Valdemoro realizou-se em condiçons muito penosas, impossibilitando o descanso do militante e passando com anterioridade por outros centros penitenciários. A conduçom de Giana Gomes para o centro penitenciário de Soto del Real, também em Madrid, realizou-se recentemente em condiçons similares. Além da denúncia deste novo movimento do preso e a presa independentista galega, e a reivindicaçom da imediata repatriaçom de ambos, publicamos os novos destinos forçosos de amb@s ao objecto de que aquelas pessoas que mantenham ou desejem iniciar o intercámbio de correspondência podam dirigir-se a amb@s militantes Giana Rodrigues Gomes CENTRO PENITENCIARIO DE MADRID V Ctra. Comarcal 611, km. 37,6 28770 Soto del Real (Madrid) Ugio Caamanho Sam-Tisso CENTRO PENITENCIARIO DE MADRID III Ctra. Pinto-San Martín de la Vega, km. 5 28340 Valdemoro (Madrid)