Segundo anuncia a organizaçom juvenil independentista Briga, três moços serám julgados na quarta-feira 24 de Janeiro, às 9:30 h,nos Julgados da Corunha (Rua Monforte,s/n), para o qual chamam a concentrar-se nesse lugar no seu apoio. Os factos por que os rapazes estám encausados tenhem a ver, novamente,como vem sendo habitual para a militáncia independentista neste país,coa tentativa de exprimir livremente nas ruas a ideologia que o Estado Espanhol nos reconhece na teoria a opçom de professar, mas nom de difundir em público,na prática. Umha hipotética tentativa de realizaçom dum moral, sobre umha parede carente de valor estético ou patrimonial,coma neste caso, é às vezes mais perseguida polas autoridades do que delitos bem graves, desde que estes nom alterem a orde ou “paz públicas” (maus tratos familiares,delitos ecológicos,etc.). Mais umha amostra da dupla vara de medir das instituiçons espanholas para punir quem infringir algumha das suas leis ou normativas. @s polític@s que argumentam que já vivemos num Estado democrático, polo facto de que num papel chamado “Constitución Espanhola” se escreveu (art.20)que um teórico direito de expressom existe,nom especificam que aos movimentos sociais contra-sistémicos lhes vem constantemente negado, e até economicamente sancionado (no melhor dos casos), no que pretende ser umha estrátegia de erosom permanente anti-sistema. De Ceivar animamos a militáncia a nom calar a boca perante a criminalizaçom policial e judicial da legítima liberdade de expressom das ideas.