Guarda Civil agrede rapaz em Bertamiráns:nengumha agressom sem resposta!!!

Segundo se está a denunciar publicamente nestes próprios dias,nas ruas da capital galega e concelhos limítrofes,agentes da Guarda Civil de Bertamiráns propinárom recentemente umha malheira a um moço de 18 anos, em presença da Polícia Local. O jovem D.M. começou por ser identificado polos “locais” e polos militares espanhóis; logo ameaçado, e posteriormente golpeado polos membros da Guarda Civil, no lugar conhecido como Paço da Peregrina. A Polícia Local e a Guarda Civil operantes em Bertamiráns já se tenhem dado a conhecer à populaçom, em mais dumha ocasiom (vid. ligaçom inferior,p.ex.), como verdadeiros agentes repressivos; mas nesta ocasiom assistimos a um salto qualitativo quanto aos episódios de abuso de poder dos quais, protagonizados pola G.C., vinhemos tendo notícia até o dia de hoje. Nengum tipo de violência, mas muito menos ainda as agressons que já chegam a ser físicas,devemos de tolerar dos membros das F.S.E. Assinalemos tamém que nom só os agentes da G.C. som culpáveis dum delito de agressom contra este jovem, mas tamém os polícias locais testemunhas dos golpes som cúmplices do delito, por passividade cos factos (som materialmente colaboradores da comissom do delito). De Ceivar mostramos e oferecemos todo o nosso apoio ao rapaz agredido, e parabenizamos a mocidade que está a trabalhar nestes dias para que,tamém nesta ocasiom,mais umha agressom nom fique silenciada. NENGUMHA AGRESSOM SEM RESPOSTA!!