A acçom combinada do ‘Cuerpo Nacional de Policía’ e agentes da Polícia municipal compostelana fazia esta madrugada com que se produzisse novamente a retençom e identificaçom de dous militantes de Ceivar e um transeúnte. @s activistas do organismo anti-repressivo eram localizad@s trás realizar diversas pintadas no casco histórico com a legenda ‘GZ contra a repressom. Dia 18 12:30 na Alameda’. A retençom e identificaçom realizava-se na rua da Calderaria com Orfas, apresentando-se dous carros da Polícia local, agentes do CNP à paisana e polícias de choque emboçados no meio dumha intervençom espectacular. Os agentes da repressom requisárom diversos botes de pintura e tomárom a identificaçom d@s militantes do organismo e umha pessoa desligada da realizaçom das ‘pintadas’ que se encontrava nas proximidades. Foi comunicada aos três a interposiçom dumha denúncia por ‘atentado contra o património’, embora este nom se produziu em nengum dos casos. Existe constáncia de que operários da brigada municipal de limpeza estám a retirar por ordem do governo local os cartazes que estes dias tratam de difundir a convocatória anti-repressiva entre a vizinhança compostelana. A atitude do governo local está a impedir umha maior socializaçom da convocatória e obriga a recorrer às pintadas para fazer visível na rua a existência da mesma.