Colamos a continuaçom a informaçom sobre a XIX marcha à prisom de Teixeiro que aparece publicada na web A irmandade da costa. Desde Ceivar animamos a acodir e difundir esta convocatória o próximo sábado 12 de Janeiro:
Convocam para o próximo sábado 12 de Janeiro a tradicional marcha à prisom de Teixeiro. Terá lugar às 11:00h na gasolineira da N-634, km 663, próxima ao cárcere de Teixeiro.
Despois da marcha, em Compostela, continuará a jornada cumha concentraçom às 18:00h na praça do Toural e continuara-se no CSOA Aturuxo das Marías com atividades, ceador e foliada a partir das nove e meia.
Como já é habitual as datas próximas ao fim do ano venhem acompanhadas com marchas aos cárceres em todo o mundo, apoiando as luitas das presas e berrando contra as prisons. Há poucos dias que rematou a terceira greve de fome que várias presas levarom a cabo nos cárceres do estado espanhol reclamando o fim das torturas, a erradicaçom dos FIES e o fim da dispersom, entre outras reivindicaçons.
O cárcere de Teixeiro é cenário de continuas denuncias por torturas e maus tratos. Exemplo disto a notícia publicada há umhas semanas na que o julgado de Betanços investigava umha paliça que vários carcereiros derom a um preso em Teixeiro.