Após quase um mês desde que se celebraram as três anteriores vistas polo juízo #8f45anos nos Julgados de As Fontinhas (Compostela), esta sexta feira dia 13 terá lugar a quarta e derradeira. Nela está previsto que venha declarar a Presidenta de Unión Progreso y Democracia (UpyD), Rosa Díez, em qualidade de testigo e solicitado pola própria Defesa. As processadas assim como o preso independentista, Roberto Rodríguez Fialhega, “Teto, também estarám na sala.
Rosa Díez fora chamada a declarar o dia 23 de Maio mas ausentou-se argumentando que se atopava em campanha eleitoral, um motivo que foi valorado pola magistrada María Elena Fernández Currás de “justificaçom relativa” já que a cita judicial estava marcada anteriormente ao início das eleiçons. Esta é a raçom pola que se produz umha nova vista e na que se Rosa Díez volta a nom assistir, em palavras da juíza, será “conduzida pola força”.
Solidariedade
Como nas anteriores vistas está convocada umha concentraçom frente aos Julgados de As Fontinhas às 09:00 e como mostra de solidariedade com as defensoras da Língua.