Mediante umha resposta parlamentária o Governo Espanhol confirma que está a estudar a possibilidade de dotar à Polícia Espanhola com as “Google Glass”, valoradas em 1.000 euros por unidade.
A dotaçom dos novos sistemas policiais estám inseridos no Programa que Interior denomina “Polícia 3.0” e entre o que se inclue o controlo nas redes sociais, de Internet e dos computadores pessoais.
Controlo absoluto
Desde CEIVAR nunca tivemos dúvida que a realidade da repressom ia superar à fiçom. Deste jeito, com a implementaçom das “Google Glass” os polícias poderám visualizar em direto as “cámaras de seguridade” próximas, capturar imagens e fazer videos para reconhecimentos, aceso a bases de dados e enviar a informaçom audiovisual no momento. Também estes óculos tenhem um “reconhecimento facial” que alerta das pessoas que estám consideradas como “suspeitosas”, o mesmo acontece para os carros, podendo saber o historial com tam só olha-lo.
Assim desata-se um controlo total e absoluto donde só o mero facto de cruzar-te , ser observada por um polícia ou passar diante dumha cámara, violará os direitos mais fundamentais da privacidade e equivalerá a umha identificaçom tal e como a conhecemos até agora.