Umha vez mais o Organismo Popular Anti-repressivo CEIVAR junto a outros coletivos e organizaçons do nosso País saimos às ruas a sexta passada para exigir novamente a liberdade dos presos políticos galegos. Nove localidades galegas fôrom o cenário destes protestos nos que, mês tras mês, expomo-nos a temporais e a repressom para apoiar o jejum dos presos independentistas assim como as suas cinco reivindicaçons.
Desta volta nom estivemos soas. Desde Donostia chegou a calor da solidariedade da mau do Povo de Euskal Herria e da organizaçom internacionalista Askapena. Junto às imagens das presas políticas vascas estivérom também as fotografias dos presos independentistas galegos acompanhados por umha faixa na que se debuxou a bandeira nacional. Ao remate do ato leu-se a carta de agradecimento enviada por CEIVAR para Askapena com motivo de que esta organizaçom dedicou o 17 de abril, Dia Internacional de Apoio às/aos Presas/os Políticas/os, aos presos galegos e corsos.
A continuaçom reproduzimos o conteúdo da mensagem:
Desde o Organismo Popular Anti-repressivo CEIVAR queremos enviar-vos umhas linhas de agradecimento pola solidariedade recebida o 17 de Abril, Dia Internacional de Apoio às/aos Presas/os Políticas/os, com os nossos presos políticos.
Desde Galiza aproveitamos a ocasiom para fazer-vos chegar o nosso mais sincero apoio e reconhecimento às mulheres e homens de passo valente de Euskal Herria. Somos conscientes de que os esforços passados e de hoje em dia som fruto de horas de dor, tortura, sufrimento, encarceramento e dispersom mas que atualmente conforman umha sociedade que berra pola sua liberdade. Liberdade para o vosso Povo e para as/os vossas/os presas/os.
Ante esta situaçom somentes vemos um Estado Espanhol e Francês imobilistas que, frente às vontades populares, reprimem às naçons que estám resoltas a ser livres e que nunca tivérom nada que oferecer-nos mais que misêria, prisom, vergonha e repressom.
Desde a Naçom de Breogám como Povo irmão vos falamos. Sentimos cada golpe e cada vitória como própria. Nós também estamos a atravessar tempos difíceis onde os anos de cadeia para a nossa gente mais consciente decidem-se nos tribunais políticos de Madrid. Os seguimentos, ameaças, juízos e condeas estám acadando límites incomprensíveis. Pola contra, a vontade e determinaçom seguem intatas com cada decissom certeira e acoradas na solidariedade e na alegria de nom ter acougo até que os presos independentistas galegos retornem às suas moradas.
Com todo, desde CEIVAR, desejamos aproveitar a ocasiom para enviar a todo o Povo de Euskal Herria um abraço fraterno e agradecendo a vossa solidariedade que é recebida com ilusom e ânimos renovados para o longo caminho que traçamos cada dia.