O acosso ao independentismo e um aumento repressivo por parte da polícia espanhola está-se a sofrer especialmente em Vigo. Militantes galegos desta cidade denunciam o seguimento continuado por polícias à paisana, identificaçons pola rua e registos em carros.
Ademais deste acossamento à militancia, a assembleia comarcal de Ceivar em Vigo foi informada da visita, hai uns dias, de duas pessoas (auto-identificadas como do “Ministério do Interior”) com o objetivo de conseguir infiltrados no movimento independentista.
Koala e Joni forom dous dos abordados por esta parelha dos que tivemos conhecimento em Ceivar e que nom tiverom inconveniente em revelar estes factos para manter alerta ao resto da militáncia.
O facto da tentativa de infiltraçom através de Hector Naya “Koala”, em liberdade baixo fiança desde o passado Dezembro depois de ter sido sequestrado o 18 de Setembro de 2012 numha operaçom policial contra o independentismo, mostra a falta de complexos das forças policiais à hora de buscar confidentes. O oferecimento que lhe figerom foi o de limpar os cárregos de “pertença a organizaçom terrorista” e “colocaçom de explosivos terroristas” polos que está processado junto com Xurxo R. Olveira e Diego Santim polos factos acontecidos no viguês monte Sampaio no passado quatro de agosto.
Dias depois de “entrar-lhe” ao Koala, o celtarra Joni também denunciou ter sido acossado por este mesmo par com a mesma intençom: conseguir informaçons e um colaborador a cámbio de perdoar-lhe as sançons económicas das que é vítima.
De Ceivar queremos denunciar a impunidade com a que as FSE realizam este tipo de coacçons que nom tenhem suporte legal e instamos às pessoas que podam receber solicitudes deste tipo a negarem qualquer tipo de colaboraçom.