Nas últimas horas do dia de onte, 29 de outubro, em Ferrol foram detidas pola polícia espanhola duas pessoas no que os medios de comunicaçom citando umha nota do ministério do interior denominam operativo antiterrorista contra Resistência Galega. As pessoas arrestadas som Júlio S.S e Sílvia C.S, vizinho e vizinha da localidade ártabra.
Como é habitual nestes operativos as garantias legais das pessoas detidas ficam suspendidas por mor da aplicaçom da lei antiterrorista, a começar pola incomunicaçom à que som submetidas desde o momento em que som arrestadas.
Neste momento, 01:00, o único que se conhece é que foram transladadas a dependências policiais à espera do registo do domicílio. Advogados disponibilizados polo organismo realizam gestons na procura do seu amparo legal.
STOP REPRESSOM ESPANHOLA!!