Como vem sendo habitual desde hai vários anos nas vésperas do Dia da Pátria Galega, no passado 19 de Julho as e os jovens independentistas de Ourense levarom a cabo umha Rondalha festiva e reivindicativa polas ruas do casco velho da cidade, apoiada polas diferentes organizaçons nacionalistas da comarca. Foi um acto completamente pacífico, no que nem se quer se chegou a cortar o tránsito de ningumha rua, e no que as moças e moços forom colocando bandeiras galegas ao som da música.
Desde o 15 de Agosto, dúzias de participantes neste acto estám a receber sançons administrativas de 400 € por parte da Subdelegaçom do Governo espanhol, no que se entende umha perseguiçom política à mocidade nacionalista por parte de um governo -o do Partido Popular- que caminha sem complexos cara o fascismo cru e nu.
Para coordinar a resposta legal a estas sançons e por em contato a todas e todos os afectados, as e os convocantes deste ato disponibilizam o seguinte correio electrónico: diadapatriaourense2012@gmail.com