Esta passada sexta feira 30 setembro, os membros do Colectivo de Presos Independentistas Galegos, Jose Manuel Sanchez e Santiago Vigo, presos nas cadeias de Mansilla de las Mulas (León) e Dueñas (Palencia) respectivamente, voltarom jejuar, tal e como venhem fazendo dende novembro do ano passado em reclamo de diferentes exigências.
O Organismo Anti-Repressivo Ceivar convocou concentraçons em reclamo da liberdade dos presos independentistas e em solidariedade com eles em diferentes cidades, às que acudirom dezenas de pessoas. Foi no trascurso dumha destas concentraçons onde foi detida a militante independentista M.O., na cidade de Lugo. A concentraçom estava convocada na Praça da Milagrosa, mas as pessoas solidarias que se concentravam alí, decidirom desplazar-se à Rua Ramom Ferreiro. Ao pouco rato apareceu a policia nacional, que identificou a tod@s @s solidari@s, e foi entom quando lhe comunicarom a M.O. que havia umha orde de busca e captura contra ela do julgado de Betanzos, por ter esta umha causa pendente por pintadas da AMI na comarca das Marinhas durante o ano 2008.
O sábado pola tarde informavam a familiares e companheir@s da jovem independentista que nom ía ser posta em liberdade, por umha suposta falta de entendimento entre os julgados de Betanços e de Lugo.
Hoje pola manhá, 62 horas depois da sua detençom a militante independentista passou a disposiçom judicial. Queremos lembrar que as pintadas som julgadas como “faltas” de “deslozimento” de paredes, polo que nom se punem com penas de privaçom de liberdade.
CONTRA A REPRESSOM ESPANHOLA, SOLIDARIEDADE E LUITA!!!