Já começa a fazer-se habitual que na cadeia de La Moraleja @s carcereir@s mostrem o seu lado mais fascistoide contra familiares e amig@s do preso independentista Santiago Vigo. Este domingo, día 31, um jovem compostelano foi visitar ao patriota preso em Palencia, e depois de percorrer os quase 500 kilómetros que há de caminho, atopou-se com que nom lhe deixavam entrar à visita porque ao passar polo detetor de metais este pitava.
Tras vários intentos (mesmo chegou a cambiar-se de pantalom) seguia sonando o detetor. Pideu-lhe à carcereira que lhe passase a raqueta, mas esta fixo caso omiso e o jovem rematou por quitar-se os pantalons.
Há que salientar que na prisom de Dueñas há um quartinho justo na entrada que se usa para, quando em casos como estes, umha pessoa pita no detetor de metais, o carcereiro de turno poda realizar um cacheio superficial, para evitar este tipo de abuso e humilhaçom. Também, sabemos que os carcereiros e carcereiras disponhem de raquetas, com este mesmo fim.
A.L. já interpuxo umha denúncia contra a carcereira e a direçom de La Moraleja. De Ceivar queremos manifestar o nosso profundo rechaço a este tipo de praticas que se levam a cabo nas cadeias espanholas contra as pessoas solidárias com os presos independentistas galegos.
NINGUMHA AGRESSOM SEM RESPOSTA!!!