A iniciativa, desenvolvida no nosso País polo Espazo Aberto Antimilitar, visa desviar através da declaraçom da renda umha parte proporcional dos impostos que o governo espanhol destina ao gasto militar. O desvio fai-se cara colectivos, movimentos ou luitas transversais à antimilitarista, entre outras a anti-repressiva.
De Ceivar observamos nesta iniciativa um duplo objectivo. O primeiro, contribuirmos no possível a frear o gasto militar, duas vezes superior ao gasto em serviços sociais, educaçom, sanidade e cultura juntas. Procurando de vez nom contribuir a sofisticar e armar aos exércitos e forças de ocupaçom. O segundo é que através desta iniciativa o Organismo Popular Anti-repressivo como destinatário desta forma de desobediência civil perceba uns ingressos que ajudem a desevolver o seu trabalho.
De Ceivar animamos-vos a somar-vos à iniciativa e propomos-vos canalizar a objecçom fiscal cara o Organismo Popular Anti-repressivo. Como acto de desobediência civil ao Estado a Fazenda Pública nom aceita razóns de consciência e portanto nom reconhece a deducçom. Nom sendo considerado isto como fraude fiscal mas como erro contável, o muito que podem fazer é nom devolver esse dinheiro deduzido nas declaraçons negativas ou reclarmar-cho nas declaraçons positivas. Contudo na imensa maioria dos casos nom há reclamaçons pola sua parte.
Passos a seguir para realizar a objecçom fiscal:
2. Inlcuir também no envelope umha carta ao Delegado da Fazenda Pública os motivos da tua objecçom, o total do dinheiro desviado e o projecto social escolhido como alternativa ao gasto militar.
3. Preenche os impressos da declaraçom (nom aceitar o borrador) e quando chegues ao apartado das deducçons gerais, num dos espaços que nom vaias ocupar substitues riscando o conceito que aparece e escreves no seu lugar “objecçom ao gasto militar” e a quantidade elegida a deduzir.
Esta quantidade pode ser umha quota porcentual em base à percentagem do gasto militar nos orçamentos gerais do Estado (4,8% oficial do Ministerio de Defensa ou 11,65% gasto militar real) ou umha quota simbólica fixa.
Para maior informaçom ou clarificaçom de qualquer dúvida aconselhamos visitar o WEB do Espazo Aberto Antimilitar.
