O Organismo Popular Anti-repressivo anuncia a convocatória de concentraçons solidárias para a sexta-feira 26 de Novembro com motivo do dia de jejum mensal que vai desenvolver o Colectivo de Presos Independentistas Galegos (CPIG) à última sexta-feira de cada mês em reclamo das seguintes reivindicaçons: o reconhecimento da sua condiçom de prisioneir@s polític@s; o reagrupamento dos membros do CPIG num mesmo cárcere; o fim da ilegal política de dispersom, o traslado a umha prisom em território galego; a melhora geral das condiçons de vida na prisom, alimentaçom, higiene, atençom sanitária, comunicaçons; o cessamento do actual regime de reclusom aplicado nos centros de menores.
Aliás, motiva-se também no repentino translado de Sánti Vigo e José M. Sánchez da prisom de Teixeiro às prisons de Palencia e León.
As concentraçons realizarám-se nas localidades de:
Lugo, 19:30 Praça Maior
Vigo 19:30 Mercado do Calvário, rua urzaiz (tramo peonil)
Ferrol, 20:30 Edifício administrativo da Junta da Galiza, Praça Amada Garcia
Compostela 21:00 Praça do Toural
No caso de Compostela a concentraçom terá continuidade com umha ceia solidária às 22:00 no C.S. A Fouce de Bertamiráns. A ceia está organizada por Ceivar e a Plataforma “Que voltem a casa”. O preço será de oito euros.
De Ceivar animamos-vos a todas e todos a mostrardes a vossa solidariedade com os patriotas presos acudindo a estes actos.
LIBERDADE PRESOS INDEPENDENTISTAS!!
Pingback: O CPIG fara protestas todas as segundas feiras do mês contra as políticas de isolamento e soidade de Instituciones Penitenciarias – Ceivar