A Plataforma, que nasceu no ano 2006 para reclamar a aplicaçom de direitos civis e penitenciários e denunciar a sua vulneraçom nas pessoas dos presos independentistas galegos, anunciou a convocatória da III Festa pola Liberdade.
Vigo será a cidade que acolherá o próximo sábado 11 de Dezembro esta III Festa pola Liberdade. O objecto da actividade da plataforma, para além da expansom do seu ideário entre a populaçom galega, é a recadaçom de fundos para outra das funçons que desde 2006 vem desenvolvendo a Plataforma Cidadá “Que voltem a casa”, funçom imprescidível para mitigar o castigo económico que sofre o entorno familiar e social dos presos, e garantir que o dinheiro nom é um obstáculo para os presos receberem visitas semanalmente, assumindo o financiamento das viagens das familias e daquelas pessoas solidárias que nom se podem permitir dispor de 100-150 euros para viajar até os cárceres da dispersom.
O programa que a Plataforma preparou para esta III Festa pola Liberdade é o que segue:
Sala Farándula (Praça de Portugal) 21:30
Quarteto da Gentalha (música tradicional galega)
Sacha na horta (folque)
Falkatruada (punk-oi)
Gendebeat & Selectah in Helikopta (hip hop, beat box e DJ’s)
No transcurso da festa haverá diversas intervençons da própria Plataforma.
De Ceivar animamos a todas e todos a acudirdes à chamada da Plataforma Cidadá “Que voltem a casa” achegando o vosso grao de areia a esta obra contra a dispersom e a vulneraçom de direitos aos patriotas presos.