Em liberdade o militante independentista detido em Vigo

Após declarar nos julgados de Compostela, na noitinha de onte ficava em liberdade E.V.D.

Como adiantavamos na nova anterior o militante independentista era processado pola sua suposta participaçom no incidente acontecido o domingo 10 de Outubro nos mesmos julgados composteláns, coincidindo coa posta a disposiçom judiciária do seu irmao e preso independentista Sánti Vigo.
E.V.D. era a quinta pessoa detida no curso da investigaçom que tinha aberto a polícia espanhola, e para além dos cárregos de atentado à autoridade e delito contra a administraçom de justiça que lhe foram imputados às quatro pessoas detidas anteriormente, soma-se-lhe o de ameaças.
E.V.D. que fora detido em Vigo a segunda-feira e passara a noite na esquadra de polícia da cidade olívica, foi posto a disposiçom judiciária nos julgados vigueses na manhá de onte para depois ser transladado aos julgados de Compostela, onde finalmente passou a disposiçom judiciária. E.V.D. saia em liberdade com os cárregos anteriormente assinalados e coa obriga de comparecer nos julgados cada quinze dias. Tanto em Vigo como em Compostela E.V.D. estivo arroupado por concentraçons de solidários e solidárias convocadas por Ceivar que denunciaram a repressom da solidariedade e a montagem politico-policial da que os cinco imputados estám sendo objecto.