Ante a enjurrada de expedientes sancionatórios que as ‘Subdelegación del Gobierno de España’ em Lugo, Ourense, Ponte Vedra e Crunha estám a enviar às casas de dezenas de activistas pró galego em todo o País, de Ceivar disponibilizamos um texto-base útil para recorrer estes expedientes, curtados maioritariamente por um idêntico padrom. Alertamos, contodo, de que é a própria instituiçom que os emite em base a directrizes políticas a que, finalmente, resolve também os recursos interpostos contra as multas com o que a fiabilidade destes é mais que duvidosa. O recurso-tipo que propomos responde a um dos processos também tipo que estám a chegar às casas. A sua falta de especificidade e personalizaçom indica abertamente o mecanismo de elaboraçom e a motivaçom última. É necessário preencher atentamente todos os dados individuais e correger qualquer um que nom fosse coincidente com o lugar, hora, etc. em que se encontrava a pessoa expedientada. Apontar, por último, que muitos expedientes governamentais enviados contenhem graves “erros” focados a situar as pessoas a sancionar em lugares e horas em que nom se encontravam nesse dia. O texto-tipo encontra-se em formato pdf na ligaçom que anexamos ao pé desta notícia. Pode-se enviar qualquer consulta sobre o trámite ao nosso correio nacional ceivar@ceivar.org.