O sítio web nacional da CIG confirma que na passada semana se produzia um novo caso de repressom sindical com o despedimento dum trabalhador da factoria Faurecia Interior Systems encravada no Porrinho. O operário, que leva 12 anos na empresa e é fixo desde 2002, foi umha das pessoas mais activas na negociaçom colectiva do convénio e é membro da secçom sindical do sindicato nacionalista. A negativa da CIG a assinar o convénio avalizado polo Comité de Empresa no passado 16 de Abril parece estar na origem desta medida adoptada por Faurecia Interior Systems contra o sindicalista. Segundo a CIG, o despedimento encubre umha estratégia por parte da empresa para “descabeçar a secçom sindical dentro da empresa, e mesmo ameaçam com a possibilidade de que se produzam mais medidas de repressom”. De facto, é significativo que as presuntas faltas disciplinares apontadas no expediente sancionador retrotraem-se a 29 de Fevereiro e 4 de Março, mas este nom foi comunicado ao operário até 17 de Abril –justo o dia após a sinatura do convénio-. Além das iniciativas que a central nacionalista adoptou no ámbito legal, o sítio web da CIG anuncia que se preparam “mobilizaçons importantes” na factoria de Faurecia no Porrinho na que trabalham 205 operári@s.