Trás passar quase 20 dias em isolamento, a presa independentista galega Giana Gomes foi transferida para o Módulo Verde da prisom espanhola de Brieva. A mudança de módulo vem acompanhada da aplicaçom do chamado art. 10, que supom que a presa política passa a um novo regime dentro da prisom –o 1º grau- caracterizado por reduzir as horas de pátio, limitar as actividades a que pode aceder a presa e controlar absolutamente os objectos pessoais de que pode dispor na sua cela. Podemos falar, portanto, de endurecimento repressivo na situaçom penitenciária da presa independentista dentro dumha direcçom estratégica da instituiçom carcerária que visa a sua erosom psíquica e física. Lembramos, mais umha vez, que Giana Gomes encontra-se dispersada ilegalmente a quase 600 km. de distáncia do seu contorno familiar e sócio-cultural, que passa a maior parte das suas 24 h. diárias encerrada numha cela de reduzidas dimensons e que tem restrita a possessom de qualquer objecto habitual para as pessoas que nos encontramos ‘em liberdade’. O agravamento quantitativo e qualitativo da pressom repressiva que está a suportar esta cidadá galega evidencia, mais umha vez também, na nossa opiniom, a nula qualidade democrática do Estado em que estamos integrados e como todo o tratamento penitenciário de que som objecto @s pres@s independentistas galeg@s nom tem outro objectivo estratégico que nom seja a sua humilhaçom pessoal e política e a alteraçom da sua identidade como galeg@s com plena consciência do processo em que está imerso o nosso País. Solidariedade activa Reiteramos novamente o nosso apelo à solidariedade activa: umha solidariedade real e material que pouco ou nada tem a ver com o oenegeísmo dominante e o voluntariado de direcçom institucional. Umha solidariedade que cada leitor ou leitora deste portal pode individualmente regular e efectivar em termos de colaboraçom económica com Ceivar, incorporaçom às listagens de visitas em prisom, envio de correios aos pres@s independentistas, apoio militante ou voluntário ao nosso organismo, distribuiçom da nossa informaçom, etc. Consideramos, por outra parte, que o conhecimento, a socializaçom e a denúncia da realidade da repressom penitenciária contra @s pres@s independentistas galeg@s é, além da proximidade política e ideológica que cada quem poda manter a respeito do que estes e estas militantes representam, a obriga de qualquer democrata autêntico, de qualquer pessoa respeitosa dos direitos humanos e de todos e todas as nacionalistas por cima de filiaçons e partidarismos. O destino forçoso actual de Giana Gomes aonde se lhe pode enviar correio postal é Giana Rodrigues Gomes Centro Penitenciario de Brieva Módulo Verde Apartado 206 Carretera de Vicolozano 05194-Brieva (Ávila) Espanha GIANA GOMES, REPATRIAÇOM! STOP REPRESSOM CARCERÁRIA!