Como informavamos dias atrás, o preso independentista Ugio Caamanho será processado em Cáceres em 23 de Novembro após a tentativa frustrada de fuga dessa prisom protagonizada em 13 de Fevereiro. O juízo contra o prisioneiro político galego produz-se antes do que terá lugar na ‘Audiencia Nacional’ em data ainda nom assinalada e no que comparecerá junto à presa independentista Giana Gomes. Ceivar organiza com motivo do primeiro dos processos umha caravana de carros que se deslocará à cidade espanhola para exprimir a solidariedade com o preso galego. O itinerário do acto solidário é o que detalhamos a continuaçom: 1º Saída desde distintas localidades do País antes das 00:00 AM da sexta-feira 23 de Novembro. A margem de tempo fai-se em previsom de névoas ou neves, retençons, etc. Recomenda-se levar cadeias por se for preciso utilizá-las. 2º Reuniom de solidári@s na Praça Maior de Cáceres (casco histórico) às 08:30 h. da manhá do 23 de Novembro e deslocamento para os julgados. Prega-se ABSOLUTA PONTUALIDADE. 3º Desdobramento dumha faixa ante os julgados provinciais e assistência como público à sala de vistas nº 4 onde desde as 10:00 AM se celebra o processo. O regresso fará-se após finalizar o juízo, aguardando estar de volta nas primeiras horas da noite do dia 23. RECOMENDAÇONS Advertimos as pessoas que disponibilizem veículos para a mobilizaçom ou assistam à mesma da necessidade de levar a documentaçom em regra (bilhete de identidade, permisso de conduçom, ITV passada, etc.) para evitar as interferências que eventualmente podam provocar a ‘Guardia Civil’ e a Polícia espanholas. É importante que cada veículo leve, quando menos, duas pessoas para a conduçom e assi poder fazer turnos e descansar em caso de necessidade dado que a conduçom se fará de noite e o esgotamento ocular é muito maior nesta circunstáncia. Alertamos, igualmente, da importáncia de saír com tempo suficiente para evitar retrasos e inassistências devidos a factores climáticos, avarias, retençons ou identificaçons policiais. Recomendamos a quem projectem participar nesta mobilizaçom solidária ligar para os comités de Ceivar nas distintas comarcas a efeitos de coordenar a organizaçom da viagem. Colocamos aliás alguns telefones de referência para informaçom 629 477 680 680 694 250 626 822 455 629 477 680 Desde o organismo anti-repressivo daremos conta através deste portal e da forma mais imediata possível do desenvolvimento do juízo contra Ugio Caamanho, das incidências que se produzam no seu decurso e da mobilizaçom convocada. Convidamos, por último, todas aquelas pessoas que disponham de veículos ou facilidades para deslocar-se no dia 23 a que participem nesta mobilizaçom convocada a nível nacional.