No passado 8 de maio, quatro associad@s da Gentalha do Pichel forom identificados por policias locais de paisano quando se dispunham a fazer umha colada nas ruas de Compostela anunciando a Festa do Dezassete que se fai o Treze. Ainda que desde a Gentalha já assumem como habituais as identificaçons e impedimentos à publicitaçom das suas iniciativas, o que chama a atençom neste caso é que as identificaçons fossem feitas por policias de paisano. Os arrinques de cartazes e faixas som habituais por parte do pessoal da câmara municipal, assi como as travas para a realizaçom de actos, como já vem denunciando periódicamente a associaçom. A informaçom completa póde-se atopar na ligaçom final.