A vindeira sexta feira, o lucense M.V. está citado a declarar num juízo por estar acusado de ser o autor dumhas pintadas que aparecérom numha sucursal de Abanca da cidade. As legendas que se colocárom contra a fachada da entidade financieira denunciavam o recrudescimento das condiçons laborais das/os trabalhadoras/es e os injustos despidos realizados pola empresa.
A Confederación Intersindical Galega (CIG) convoca umha concentraçom no mesmo dia em solidariedade com a pessoa imputada e contra a repressom sindical. Desde o Organismo Popular Anti-repressivo CEIVAR aderimos a convocatória e assinalamos umha vez mais a repressom que se cerne sobre quem luita pola classe trabalhadora namentres aos banqueiros e corruptos som-lhe permitidas toda índole de saqueios com total impunidade.