As ruas da zona velha de Compostela fórom o cenário no que, na tardinha do sábado 15 de Junho, centos de pessoas amosárom a sua solidariedade com @s quatro independentistas que vam ser julgados na Audiência Nacional de Madrid nos próximos 24 e 25 de Junho.

Passadas as 19:00h, um grande número de pessoas e a multitude de coletivos que apoiárom a convocatória, saiam da Alameda baixo a legenda da faixa de cabeça “A nossa solidariedade é imparável. Nom à criminalizaçom do independentismo”.

Os berros de denúncia nom cesárom durante todo o percurso e, aos gritos de “Liberdade independentistas”, “Defender a terra, nom é delito” ou “A disperssom também é tortura” entre outras, umha marcha animada e enérgica ziguezagueou as ruas da zona velha compostelana.

Completando a informaçom da nova publicada hai uns dias sob o intenso acosso policial contra a campanha de denúncia dos julgamentos do 24 e 25 de junho, publicamos a continuaçom  a denúncia que chegou a caixa de correio de Ceivar dumha vizinha de Compostela que foi assaltada pola polícia local coa "justificaçom" de que "a cidade estava completamente pintada e cheia de cartazes".

Ontem sobre a umha da madrugada, quando eu o meu companheiro voltávamos a casa e depois de despedir-nos de umhas amigas na rua do preguntoiro vimos que se nos achegava um carro da polícia local que parava ao pé de nos. Seguimos caminhando cara a praça de Cervantes, o  carro deu volta, pugo-se a nossa altura, baixarom a janela e pedirom-nos as identificaçons. Desceram do carro, revisárom as nossas mochilas, e alegarom que o faziam por coincidir com umha descripçom que lhes deram... dixemos-lhes que nos parecia moi mal que nos fizeram isso no meio da rua, baixo as olhadas de moitas pessoas com aspeto de pensar 'algo fariam', que é injusta a maneira de julgar as pessoas, que algumas trabalhamos de cara o público e que isso poderia trazer-nos consecuências negativas para o nosso futuro laboral e que se aos grandes senhores de gravata nom os indentificavam assim, nem os criminalizavam... dixerom que cumpriam ordens, dixerom que a cidade estava completamente pintada e cheia de cartazes, autoinculpárom-se como mercenários. Assim nos tiverom sobre um quarto de hora, chamarom por telefone e finalmente nos devolverom os Documentos de Identificaçon e nos deixarom marchar, com a cabeça baixa e umha terrível sensaçom de raiva e impotência.

Um saúdo,

Luzia A. V., Vizinha de Compostela