Desde Ceivar queremos denunciar a intensa persecuçom policial que estam a sofrer dúzias de solidárias que estam a trabalhar na difussom e denúncia do processo contra Antom, Maria, Teto e Eduardo. Som já numerosas as situaçons de “sequestro” de material propagandístico, identificaçons arbitrárias e acosso por parte das Forças de Repressom.
É de destacar o “roubo” das “piruletas” coas fotos dos presos que, coma em todas as manifestaçons nacionais, portam as ativistas de Ceivar na Praça da Galiza de Compostela. Ao finalizar a manifestaçom contra a minaria celebrada o passado dia dous de Junho, a polícia espanhola abordou aos ativistas quando estavam a recolher a tradicional faixa de denúncia, obrigando-os a identificar-se, sacar as suas pertenças, para finalmente requisar-lhes as fotos baixo a argumentaçom de que, segundo a sua legislaçom, nom se podem portar “armas” em manifestaçons.
No mesmo dia e cidade um cordom de antidisturbios impede a solidári@s galeg@s e uruguai@s o reparto de brochuras e achegar-se ao ex-preso político tupamaro e atual presidente do Uruguai, Pepe Mújica, para evitar que este tive-se a ocassom perfeita para fazer qualquer denuncia pública.
A pressom aumenta nalgumhas vilas e cidades nas que se esta a produzir umha intolerável pressom contra aquelas solidárias que participam na campanha coa intençom de invisibilizar a denúncia deste julgamento político. Esta situaçom é especialmente insuportável na comarca de Vigo na qual, ademais, nom há mais de um mês aparecerom pinchadas as rodas de vários carros de militantes que estavam a realizar murais de denúncia da situaçom dos presos políticos galegos.
Desde Ceivar animar todas as solidárias a continuar com o grande trabalho que se está a fazer nestas semanas e a denunciar públicamente qualquer situaçom de abuso.
NOM NÓS VAM A INVISIBILIZAR PORQUE A NOSSA SOLIDARIEDADE É IMPÁRAVEL!!