O preso independentista Antom Garcia Matos foi transladado já para Madrid, em concreto para o cárcere de Estremera, com motivo do próximo julgamento que ele e mais Asunción Losada Camba enfrentarám na Audiência Nacional. É previsível que a militante seja conduzida para a mesma prisom madrilenha nas próximas horas ou dias. Aquelas pessoas que escrevem ou visitam @s noss@s prisioneir@s devem estar atentas aos cámbios de endereço que vam produzir-se nas semanas vindouras. O endereço da prisom de Estremera é:
C.P. Madrid VII – M-241 Km. 5,750
28595 – Estremera – Madrid
/cloudfront-eu-central-1.images.arcpublishing.com/prisa/N2GJ6BRNGCHGOGTOYIQP3DF4GY.jpg)
A conduçom prévia ao juízo é um procedimento normal, a fim de que @s prisioneir@s estejam com antelaçom suficiente no centro mais próximo ao lugar no que serám julgad@s. Contodo, nom deixa de ser umha das piores experiências às que têm de enfrentar-se @s pres@s. A conduçom realiza-se em autocarros da Guarda Civil provistos de minúsculas celas de lata sem vistas ao exterior, nas que se viaja em sessons de até 5 ou 6 horas. O trajecto do Pereiro de Aguiar a Estremera nom se fai numha única jornada, mas em várias etapas: um dia desde o cárcere de Ourense até a prisom da Lama; outro desde a Lama até Mansilla de las Mulas, em Leom, passando polos cárceres de Teixeiro, Monterroso e Bonxe; outra etapa é desde Leom até o cárcere madrilenho de Valdemoro, que funciona como “intercambiador” entre as diferentes linhas de conducçom entre as cadeias espanholas. Ali, @s pres@s dever esperar uns dias até que passe a linha que os levará a Estremera. Em cada umha destas etapas, é necessário submeter-se a cacheios da Guarda Civil e dos carcereiros da nova prisom à que se chega, e @s pres@s só tenhem acesso a umha pequena sacola com o mínimo indispensável das suas pertenças.
O juízo ao que se enfrentam Assum e Antom, e ante o qual Ceivar está a desenvolver nestas semanas umha campanha de informaçom e solidariedade, celebrará-se nos próximos dias 15, 16 e 17 de Outubro na Secçom 1ª da Sala do Penasl da Audiência Nacional, na sede de Garcia Gutiérrez. A assistência como público a qualquer juízo é um direito reconhecido na legislaçom espanhola, polo que aquelas pessoas solidárias que queram e podam presenciá-lo poderám fazê-lo assistindo à citada sede às 10h da manhám.