Com motivo da celebraçom do Dia da Pátria, o Organismo Popular Anti-repressivo CEIVAR organiza a XIV ediçom da Cadeia Humana pola Liberdade d@s pres@s independentistas Galeg@s, que terá lugar o dia 24 de Julho às 18:30 horas na Praça da Galiza, em Compostela.
Durante as horas prévias à cadeia humana, e em colaboraçom com as organizaçom juvenil Briga, haverá diferentes atividades de convívio no parque de Belvís numha jornada em solidariedade com as presas independentistas. Às 13:00h haverá sessom vermute, às 14:00h será o jantar (quem quiger pode anotar-se aqui https://forms.gle/aKzq8jy9VDvM42SEA) e às 15:00 fara-se um brinde pola absolviçom das encausadas na Operaçom Jaro.
Cadeia Humana
A Cadeia Humana é por excelência o ato reivindicativo anual no que se exigem a absoluçom d@s independentistas galeg@s pres@s, e a suspensom das estratégias de extermínio carcerário de quem se encontra pres@s por participarem no processo de emancipaçom nacional e social da Galiza. Assim mesmo é também o momento no que, mao com mao, se tece a rede de solidariedade que consegue visibilizar às presas independentistas da Galiza e denunciar as ilegalidades e ilegitimidades que estám a sofrer nas prisons espanholas.
A dia de hoje as presas independentistas galegas estám repartidas entre as prisons de Teixeiro e da Lama, situadas em território galego.
📢Desde Ceivar comprace-nos anunciar a XIV Cadeia Humana Pola Liberdade d@s Pres@s Independentistas Galeg@s, este 24 de julho às 18:30 na Praça da Galiza.
A nossa solidariedade é imparável!#NomEstamosTodas#LiberdadeIndependentistas#AmnistiaTotal pic.twitter.com/zdtkdYWk08— Ceivar (@Ceivar_OPAR) July 9, 2021
Brinde pola absolviçom das encausadas na Operaçom Jaro
Desde a anterior Cadeia Humana houve umha vitória do independentismo galego e essa vitória foi a absolviçom das 12 pessoas encausadas na Operaçom Jaro. Meses depois, a Fiscalia confirmava que nom recorreria a sentença polo que se punha fim ao processo. Por este motivo, vai-se aproveitar a jornada de celebraçom do 24 de Julho para festejar este triunfo do movimento independentista.
