Juízo por pintadas em Ourense

A próxima quarta-feira 14 de Abril, trés moças independentistas estam citadas a declarar nos julgados de Ourense como acusadas de várias pintadas na mesma cidade. Os feitos acontecerom fai dous anos quando forom detidas e identificadas pola Polícia Local acusando-as sem provas da realizaçom de pintadas em pontos distantes da cidade das Burgas que chamavam a participar da manifestaçom unitária da mocidade independentista o 24 de Julho do 2019. Além disto, a quantidade que se exige abonar ao concelho é totalmente desproporcionada a respeito dos desperfeitos dos que se lhes acusa.

Assim, desde Ceivar denunciamos um novo processo represivo que buscam desgastar a mocidade independentista com longos e tediosos processos legais e elevadas sançons económicas. Ao final estamo-lo vendo estes meses, no Estado Espanhol pena-se a liberdade de expressom, já seja para falar ou para escrever. Ademais disto, os meios de comunicaçom de massas seguem monopolizando um discurso manido que criminaliza a protesta social. Polo que o único que nos queda é encher ás ruas e organizar-nos.