CEIVAR INFORMA: Dicas para assistir a umha mobilizaçom

Antes de assistir a umha mobilizaçom, LEMBRA:

  • Levar sempre contigo o bilhete de identidade.
  • Deixa a agenda, livreta, papeis nos que tenhas cousas anotadas… na casa.
  • Memoriza o nome e apelidos da advogada, e senom anota-o no braço.

Se fosses detida:

  • A policia deve informar-te de forma clara e concreta dos motivos da detençom.
  • Tes direito a que te levem a fazer umha revisom médica, que tem que ser realizada sem presença policial.
  • Tes direito a que se lhe comunique a tua detençom a umha pessoa da tua escolha.
  • Nom entres em conversa coa policia
  • Nom assines nenhum documento
  • Nom autorizes que che quitem mostras de ADN
  • Nom permitas que che tirem fotos das tuas tatuagens
  • Nom toques nenhum objeto
  • Se che requisitam o telemóvel nom lhes dés o PIN e se podes desliga-o antes de que cho quitem.
  • Nom declares diante da policia.
  • Fala coa tua advogada de confiança para que ela che diga se declarar ou nom perante o juiz.

Se te identificam:

  • Tenhem que informar-te de maneira clara dos motivos da identificaçom.
  • Só lhes tes que entregar o DNI, nom tés que dar-lhe nenhum outro dado.
  • Nom entres em conversa com eles nem respondas a nenhuma pergunta.
  • Nom assines nenhum documento.

Se és testemunha de umha agressom ou detençom:

  • Mantem a calma
  • Tenta grava-la
  • Contacta coas companheiras de Ceivar

Tecendo redes de confiança e solidariedade!

Podes por-te em contato com nós nas nossas redes sociais @Ceivar_Opar ou no correio eletrónico: ceivar@ceivar.org