PERANTE O ENCARCERAMENTO DE VALENTINA E GAIZKA

Esta quarta-feira a Audiência Nacional espanhola encarcerou a Valentina Morisolli e a Gaizka Astorkizaga. Forom detidos a passada segunda-feira, acusadas de participar em atos de sabotagem realizados em denúncia da situaçom do preso político basco Iñaki Bilbao “Txikito”. Perante isto, as organizaçons abaixo assinantes queremos expressar o seguinte:

  1. Queremos amossar a nossa solidariedade coas detidas e exigimos a sua imediata posta em liberdade. O seu encarceramento demostra, umha vez mais, que a falta de direitos e liberdades no Estado espanhol é tal que até a solidariedade está perseguida e pode levarte a prisom. Para pôr-lhe freo a estes ataques repressivos é necessário dar umha resposta unitária e contundente em cada recuncho do Estado.
  2. Exigimos a amnistía total, acompanhada de uns verdadeiros direitos e liberdades democráticos. Esta é a única vía para evitar que siga entrando gente na prisom a causa da sua luita política. Mentras esta situaçom de repressom e privaçom de direitos na que se atopa a classe obreira e os distintos setores populares nom se resolva, nom poderemos falar nem de democracía, nem de justiça, nem de paz.

Por isto chamamos a todas as organizaçons populares do Estado a exercer a solidariedade com Valentina e Gaizka e co resto de presas e presos políticos, assím como a continuar a luita pola amnistía total.

LIBERDADE PARA VALENTINA E GAIZKA! FRONTE À REPRESSOM: UNIDADE E SOLIDARIEDADE!