Por um 2020 carregado de luitas e vitorias, a nossa solidariedade é imparável!

2019 chega à sua fim, e do Organismo Popular Anti-repressivo Ceivar nom queríamos deixar passar a oportunidade para desexarvos um feliz ano 2020, carregado de luitas e vitorias.

Aproveitamos para anunciarvos que ao longo do próximo ano continuaremos coa campanha “A nossa solidariedade é imparável” que tem várias linhas diferentes. Em dezembro comezamos coa recolhida e publicaçom de fotografías individuais ou de grupo de pessoas solidárias coa organizaçom, de aquí e de outros povos do mundo em resistência. Queremos com elo mostrar que estamos arroupadas porque o trabalho solidario é de justiza!

Por outra banda, anunciaremos nos próximos días os lugares onde poderedes ver a exposiçom fotográfica com o mesmo nome e desenho, e um livro que editamos com mais de 260 fotografias, nos que se recolhem em imagens os últimos trinta anos de luita anti-repressiva, coa que pretendemos por em valor o trabalho realizado pola organizaçom e por outras organizaçons que trabalhabam neste eido antes da existência de Ceivar. Porque ser solidárias nom pode ser delito!

Por último, a campanha também terá umha linha de trabalho de rua, para socializar a situaçom.

Nós, as que aínda sonhamos coa utopía, as que acreditamos que um outro mundo é possível, sabemos que só com constância, humildade e luita podemos acadar os nossos objetivos. Moveremos as pedras, abriremos fendas nos muros de formigom, iremos até a lua e as estrelas se fai falha, porque ninguém pode enreixar este amor que nos sae do mais profundo!

Teto, Eduardo, Miguel, Antom, Asum, Queremos-vos!

A nossa solidariedade é imparável!