Saber e Safar!: concurso anti-repressivo em Ourense

saberesafar OUEres das ativistas que sabem os seus direitos? das que safam das sançons? tanto se respostas afirmativamente coma se nom, deverias de participar a próxima terça-feira 27 de Agosto no “Saber e Safar!”, o concurso anti-repressivo que organiza a assembleia comarcal de Ceivar em Ourense na praça de Sam Cosme às 20:00h, ao carom do centro social A Galheira, dentro das atividades do Veranearte.

O Saber e Safar é um concurso de preguntas e respostas sobre situaçons que se podem dar em manifestaçons ou concentraçons, coma identificaçons, detençons, sacar fotos ou vídeos…um jeito mais divertido de conhecer os nossos direitos coma ativistas e como atuar nestas situaçons.

Um veránEarte adicado ao Miguel

O veránEarte som atividades em Ourense para pequechas e maiores na programaçom alternativa e autogestionada de duzias de coletivos que tomam parte en EsCuA. A ediçom deste ano foi adicada a Miguel Garcia, preso independentista recentemente detido e pessoa querida nos movimentos sociais da cidade das Burgas. Em cada atividade organizada lê-se o seguinte texto:

Recentemente os movimentos sociais de Ourense vivimos outro episódio de repressom, esta vez nom se trata de multas nem de confrontos mediáticos, esta vez temos a um dos nossos na cadeia.

O Miguel está desde o domingo 16 de Junho em Soto del Real, separado da sua família, das suas vizinhas, das suas amizades e do seu povo.

É um preso independentista galego detido por orde da “Audiencia Nacional” e em prisom preventiva sem fiança junto a outros três independentistas, acusados polos médios de intoxicaçom servís ao regime como umha pessoa perigosa colaboradora de banda armada sem a mínima presunçom de inocência.

Miguel é um dos bos e generosos, um dos que aporta, dos que une, dos que suma, um dos que estaria participando e organizando atividades para o veranearte. Dos que nom se calam perante as injustiças, dos que procuram um mundo melhor.

Nestes tempos de recortes de liberdades e auge dos fascismos, desde EsCuA e o Veranearte queremos amosar o nosso apoio e solidarizar-nos co Miguel. Juntas somos imparaveis, queremos-te na casa!