Agressom espanholista em Ourense

anti fascismo 0O passado 3 de Outubro o vizinho de Ourense R., argentino afincado na Galiza desde fai anos e conhecido e apreciado polo seu ativismo nos movimentos sociais na cidade das Burgas, foi perseguido e agredido por um facha e posteriormente acossado e criminalizado pola polícia local de Ourense no seu intento de denunciar os feitos.

Todo começou quando R. desde o seu carro berra-lhe “Visca Catalunya” a outro carro que luzia orgulhoso bandeiras espanholas. O condutor espanholista puxo-se a persegui-lo e num momento que estavam detidos, baixou-se e, sem mediar palavra, bateu-lhe na cara. R. defendeu-se ao que o fascista acabou por dizer-lhe que marcha-se ou o “pincha-va”.

R. continuou o seu percurso mas o ultra-dereitista continuou a persegui-lo polo que decidiu chamar a polícia local rematando por presentar-se na comissaria.

A atitude da polícia ao denunciar a agressom é violenta, julgando o independentismo com frases como que “os independentistas som umha bazofia”, além de justificar ao agressor dizindo-lhe “que lhe estava bem por nom ter-se calado”. O agredido tivo que sofrer cacheos e um registro do seu carro ademais de ameaças como a de fazer-lhe um control anti-drogas.

Desde Ceivar queremos denunciar publicamente estes factos que som reflexo do momento político atual no que o estado espanhol mostra abertamente a sua face repressiva contra o independentismo alimentado as atitudes fascistas de umha ultra-direita que se mostra com maior impunidade. Manifestamos o rechaço absoluto do posicionamento político da polícia local de Ourense que defende as agressons fascistas e julga às vitimas.

Solidarizamo-nos com o nosso companheiro e mostramos o nosso apoio nestes momentos de impoténcia e raiva.

NOM NOS CALARAM! NENHUMA AGRESSOM SEM RESPOSTA!