Comunicado do CPIG perante a operaçom jurídico-policial contra a solidariedade independentista

cropped cpigA continuaçom publicamos o Comunicado do Colectivo de pres@s independentistas galeg@s que nos chegou ao correio electrónico do Organismo Popular Anti-Repressivo Ceivar:

 

Com motivo da pasada operaçom jurídico-policial contra a solidaderiedade independentista o CPIG manifesta públicamente o seu rexeitamento perante este novo ataque da repressom espanhola e expresa o seu apoio e reconhecemento á generosa tarefa desenvolta pol@s destacad@s militantes da solidariedade detid@s.

Como vimos analisando nestes anos, o Estado espanhol continúa despregando umha intensa repressom política que pretende liquidar a expressom revolucionária do independentismo galego. Cara esse objetivo estratégico, aplica umha repressom integral e específica que abrangue a acçom judicial, policial e carcerária com a impriscindível colaboraçom dos meios de comunicaçom sistémicos no papel de sinaladores e criminalizadores.

A designaçom no ano 2010 de um Fiscal especializado na luita anti-galega na Audiencia Nacional com o firme propósito de destruír a organizaçom do independentismo revolucionário galego, supujo um punto de inflexom com as conseqûencias de sobra conhecidas por tod@s; incrementos qualitativo e quantitativo das penas impostas ás combatentes, intensificaçom da política carcerária de dispersom e isolamento, pressom policial sobre solidari@s com @s represaliad@s, vigilancia intensiva sobre o espaço soberanista, marcagem e intoxicaçom mediática, suspensom de actividades e ameaça de ilegalizaçom de organizaçons políticas, processamento de militantes políticas sem vínculo com a violencia política… Nessa pretensom aniquiladora contextualizamos o último episódio desta vorágine repressiva que seguindo a estela de anteriores operaçons semelhantes, busca disuadir e extender o temor entre o movimiento independentista. Espanha quere que impere o terror, desmoraliçando a auto-organizaçom popular.

Na actual conjuntura producto da crise social e económica, o Estado mergulha-se em umha deriva totalitária e anti-democrática da que abundam exemplos; ái está a policializaçomm das rúas, o controlo social masivo, a omnipresencia do discurso reacciónário e neo-liberal convertido em pensamento único, a hipertrofia legislativa penal que eleva a categoría a desproporçom punitiva e o Dereito Penal do Inimigo, a Lei Mordaça que vulnera dereitos civís básicos e liberdades públicas, a contínua injerencia política nas decissons jurídicas… junto á corrupçom geralizada de um régime que saqueia recursos públicos para o lucro das élites dominantes mentres aumenta a desigualdade social e a pobreça.

A “democracia espanhola” evidencia-se já desvergonhadamente como a decrépita carauta formal da dominaçom fascista. Perante a cojuntura descrita; quem é aquí o terrorista? Como podemos qualificar ,senom, a política sistémica de repressom espanhola? Sigamos falando claro, fieis á nossa tradiçom política; temos enfrente ao novo fascismo espanhol ocupando os resortes de poder dun Estado ao serviço dos interesses oligárquicos.

Nestes tempos dificéis para os dereitos e liberdades cumpre renovar o compromisso adquirido com a luita pola liberaçom nacional. Dispomos da sólidos argumentos políticos, históricos , identitários ou económicos para reivindicar a independencia; mas hoje, antes de máis, o independentismo constitúe umha reivindicaçom democrática, saudável e higiénica ante um poder espanhol destructor e apodrecido que só nos ofrece miseria e degradaçom moral.

Cara esse horizonte emancipador cumpre fortalecer e consolidar amplos espaços comunitarios de apoio mútuo e solidariedadee frente ás gadoupas da repressom espanhola. Chamamos as/aos galeg@s conscientes e demócratas a multiplicar o respaldo e implicaçom nas atividades do Organismo Popular Anti-repressivo Ceivar, que próximamente chegará ao seu 15º aniversario. Da nossa parte, afirmamos umha vez máis, o nosso agredecimento pola enorme assisténcia anti-repressiva sostida incondicionalmente nestes máis de doze anos com pre@s independentistas nas cadeias espanholas.

A nossa solidariedade e imparável !!

Viva Galiza Ceive!!

Denantes mortos que escravos!!