Roberto Rodríguez será trasladado a Dueñas

 

images M images teto 367x253Hoje pola manhá, o preso independentista Roberto Rodríguez, Teto, dava-nos a boa nova de que lhe acabavam de notificar o seu translado à prisom de Dueñas (Palencia), depois de seis longos meses em isolamento e soidade absoluta.

De momento, nom lhe comunicarom quando se fará efetivo o traslado, mas iremos informando nos próximos dias.

Desde o Organismo Popular Anti-Repressivo Ceivar queremos parabenizar-vos a todas e todos os que participastes na campanha para visibilizar e mudar a situaçom de Teto, colaborando nas coladas que fixemos em diferentes cidades e vilas galegas, repartindo brochuras e volantinas, assinando os faxes que lhe fixemos chegar à direçom da cadeia de Villanubla (410 em total em 4 semanas!)… em definitiva, às que demostrastes que o movimento anti-repressivo está mais vivo que nunca e que a solidariedade deste país É IMPARÁVEL!

Aproveitamos também para lembrar-vos que no próximo mês de abril está Teto de aniversário, e gostaríamos de enviar-lhe um moreia de fotos com diferentes pessoas parabenizando-lhe a data. É doado, só tedes que tirar umha foto com um cartazinho com a legenda “Parabéns Teto” e fazer-no-la chegar por correio eletrónico (ceivar@ceivar.org) ou ao Twitter de Ceivar.

LONGE NA DISTÂNCIA PERTO NO CORAÇOM! LIBERDADE INDEPENDENTISTAS!