Hoje, sexta de fim de mês, é um dia que se tem muito presente às/aos presas/os independentistas galegas/os já que estám levando a cabo um ato de protesto no reclamo dos seus direitos. Como forma de apoio em várias localidades do País haverá concentraçons de solidariedade e tomará-se uma imagem para parabenizar a Eduardo polo seu aniversário.
As comunicaçons entre ambos lados do muro som a conta-gotas, limitadas e intervidas mas as cartas, visitas e chamadas telefónicas conseguem romper este bloqueio. Nestes dias o preso independentista Roberto Rodríguez enviou umhas fotos tomadas na prisom de Valladolid durante umha visita familiar após o correspondente permisso penitenciário. Deste jeito Teto quere compartilhar umhas imagens com todas/os as/os solidárias/os e amizades que o apoiam cada dia.
Desde o Organismo Popular Anti-repressivo CEIVAR queremos fazer-vos chegar estas fotos e que as tomedes com ilusom e compromisso. Igualmente insistimos, umha vez mais, na importância do envio de cartas e postais às/os presas/os independentistas galegas/os para conseguir rachar com o isolamento ao que se vem submetidas/os.
