Tam so decorrérom seis meses desde o assassinato do cidadao galego, Francisco Javier Romero Taboada, Jimmy, em Madrid e os seus assassinos já se atopam na rua. Assim o decidiu o titular do Julgado de Instruçom nº20 que no dia de hoje decretava a posta em liberdade para Ismael López, Sergio Santiago, Francisco Jiménez e José Luis Zarzoso. Os quatro processados que levavam em prisom desde o passado 18 de Janeiro
Agora, ao parecer, todas as imagens documentais que se tomaram e que corroboravam a inculpaçom destes quatro indivíduos quedárom anuladas após o juiz tomar declaraçom a um agente de mobilidade e a umha pessoa que filmou as imagens. O magistrado simplesmente alega que essas imagens correspondem-se com outro cidadao galego a quem os ultras do Frente Atlético também tiraram ao rio e que as do assassinato de Jimmy estám borrosas.
Desde o Organismo Popular Anti-repressivo CEIVAR nom podemos mais que denunciar este escándalo judicial que se soma ao que já vivemos nestes dias com a detençom de várias pessoas por pendurar comentários nas redes sociais. A suposta Justiça mais o seu entramado somentes pretender encarcerar de qualquer forma aos ativistas de esquerdas namentres os fascistas gozam da mais absoluta impunidade embora tenham crimes de sangue enriba. Vergonha umha vez mais e mais ânsias de independência de quem nos trata com o maior dos desprezos.