Jantar popular contra a repressom no Dia do Internacionalismo Proletário

CDrI_nNW0AAAIDNNeste 1º de Maio o Organismo Popular Anti-repressivo CEIVAR estará de novo nas ruas com o galho do Dia do Internacionalismo Proletário. Umha data importante para todos/as os/as que com orgulho nos reivindicamos como clase trabalhadora e que a dia de hoje nos vemos submetidas/os ao mais vil capitalismo encarnado na perda de direitos laborais, dureza nas condiçons de vida, a maciça emigraçom, depauperaçom e assovalhamento.

Umha data na que mais que nunca as nossas luitas vam-se atopar frontalmente com a aprovada Lei Mordaça que pretenderá manter-nos como meras expetadoras namentres a política corrupta institucional vende o nosso País e o nosso Povo. Somos fruto das luitas populares e sentimo-nos parte de aquelas/es obreiras/os que nom calárom ante os abusos e contra quem a repressom arremeteu nas suas versons mais extremas.

É por isto que este 1º de Maio alçaremos de novo as consignas solidárias, a unidade coleitiva como fórmula para fazer fronte à nova escalada repressiva e lembrar à trabalhadora Maria Osório e aos trabalhadores Eduardo Vigo, Roberto Rodríguez, Antom Santos, Heitor Naia e Raúl Agulheiro que se atopam presos nas cadeias espanholas. Um momento também para ter presente a todas as pessoas que no passado e no presente estám sendo objeto de perseguiçom, juízos e sançons pola sua atividade política.

Finalmente, neste dia o Organismo Popular Anti-repressivo junto com o Centro Social Faísca de Vigo convidamos-vos ao jantar popular que terá lugar a partir das 14h na rua Toledo nº9 (C.S. Faísca). Umha vez mais os fundos arrecadados irám destinados à contenda contra a repressom.