O Julgado do Penal nº2 de Ourense emitiu esta mesma manhá a sentença contra os sete estudantes julgados o passado 18 de Fevereiro deste ano por altercados na biblioteca municipal de Ourense. Assim, dous deles fôrom sentenciados a dous anos de prisom polo delito de “atentado contra a autoridade” e outro foi condenado a um ano de prisom polo mesmo motivo. As três pessoas nom ingresarám no cárcere por carecer de antecedentes penais. Os outros quatro estudantes ficárom totalmente livres de responsabilidade penal.
Os factos decorrérom em Outubro de 2012 após umha greve estudantil lembrada polo amplo apoio popular. Após o remate da manifestaçom um nutrido grupo de pessoas chegou até a Biblioteca Pública da cidade das Burgas para pendurar umha faixa na fachada. A Policía irrompeu com brutalidade namentres o estudantado tratava de repeler as agressons policiais, finalmente colocárom a faixa e os/as estudantes saírom do edifício público sem ser identificadas/os. As petiçons que afrontavam os sete jovens eram de entre três e cinco anos de prisom e multas de até 5.000 euros.
Desde o Organismo Popular Anti-repressivo CEIVAR exprememos toda a nossa solidariedade com as/os estudantes retaliadas/os e animamos a continuar combatendo a mercantilizaçom do ensino, a privatizaçom, a espanholizaçom e os dogmas machistas e eclesiásticos que o Governo de Feijóo e de Mariano Rajoy procura implantar nas aulas galegas.
Stop repressom contra o futuro!!