O local associativo Rompe el Círculo de Móstoles foi o lugar que albergou no sábado 18 de Abril a jornada internacionalista que tivo a Galiza como protagonista. Organizada polo Comité de apoio ao Organismo Popular Anti-repressivo CEIVAR constituido em Madrid, o evento contou com a participaçom dum membro de CEIVAR que apresentou o livro escrito ex-presas/os independentistas “O teito é de pedra” e desenvolveu umha palestra sobre os processos repressivos na Galiza. Aliás, a jornada contou com a projeçom dum vídeo elaborado polo Comité de Apoio sobre as luitas populares na Galiza, umha degostaçom de produtos gastronómicos galegos e umha escolma de músicas do País.
Por volta dum cento de pessoas participaram das diferentes actividades programadas, mostrando grande interesse por conhecer os diversos aspectos da situaçom sócio-política e cultural galega.
Desde o Organismo Popular Anti-repressivo CEIVAR queremos parabenizar e agradecer o enorme trabalho desenvolvido polas companheiras do Comité de Apoio, asemade mostrar a nossa gratitude e satisfacçom pola boa acolhida que tivo a jornada e o carinho e arroupamento do que fomos objeto por parte das gentes dos movimentos sociais de Móstoles. Por outra parte, e como transmitimos no próprio dia, solidarizar-nos com todas as pessoas que estám a ser repressaliadas em Madrid pola sua militáncia política e social.