Desde as prisons espanholas chegou umha aportaçom muito especial para o Organismo Popular Anti-repressivo CEIVAR. Tratam-se de seis peças feitas a mao pola presa independentista Maria Osório e que em pouco tempo poderám estar ao vosso alcance.
Duas carteiras, dous moedeiros, um pucho e umha saca multi-usos expremem o compromisso solidário da presa independentista Maria Osório e também a sua firme vontade a seguir aportando com trabalho a este Povo. Pontada a pontada e fio a fio, a presa independentista trasmite a ideia de continuar tecendo com agulhas de solidariedade as redes que demonstram que nengumha cárcere poderá dobregar a nossa superaçom coleitiva por derrubar os isolamentos impostos.
Além de todas as limitaçons que implica a prisom, ao Organismo Popular Anti-repressivo CEIVAR, enche-nos de alegria comprovar como cada dia e mediante mil formas de comunicaçom, as/os presas/os independentistas galegas/os continuam a presentes nas nossas realidades, nas ruas, nas nossas conversas e nos nossos fogares.
Para conseguir o material:
- Deveredes enviar um correio a ceivar@ceivar.org solicitando a vossa encomenda assim como o/os número/s de referência e o vosso número de telefone.
- Desde CEIVAR enviaremos-vos um correio para confirmar que ainda dispomos da/s unidade/s demandada/s por estrita ordem de solicitude.
- Disporedes um praço de 2 dias para ingressar no número de conta 2080 0395 61 3040001337 de Abanca o importe.
- Remitindo umha imagem do comprovante e adjuntando os vosso endereço postal em poucos dias o teredes nas vossas maos. O importe inclue o envio.
