Na manhá de hoje agentes políticos e sindicais denunciavam numha rolda de impresa a apertura dum procedimento penal sancionador pola participaçom nos protestos decorridos em Compostela no passado mês de Agosto para denunciar as políticas da Troika coincidindo com a visita de Angela Merkel.
As cinco pessoas imputadas som o porta-voz do BNG Rubén Cela, o responsável comarcal do BNG na Crunha, Paulo Carballada, o militante Afonso Losada e os membros da CIG, Paulo Carril e Xabier Aboi. Carballada será o primeiro em declarar, fara-o a vindeira segunda feira nos Julgados da cidade herculina.
Petiçom de três anos de prisom para um ativisa da Asamblea de Coia
O conflito pola colocaçom do Barco Alfageme na rotunda de Coia cobrou-se ontem a sua primeira actuaçom judicial. O vizinho do Calvário, Xurxo R.M, tivo que comparecer ante o juiz de instruçom nº4 de Vigo acusado de “atentado contra a autoridade” e “agresons” polo que se enfronta a umha acusaçom de três anos de prisom. O juízo celebrara-se o vindeiro 4 de Fevereiro.
Além desta sançom ser a mais grave, as/os ativistas da Coia estám a ser identificadas/os constantemente e as multas administrativas já começárom a chegar com argumentos tam pouco fundados como tocar o cláxom do carro em apoio às mobilizaçons.
Desde o Organismo Popular Anti-repressivo CEIVAR denunciamos a permanente vaga repressiva que se cerne com os sectores sociais e políticos do nosso País. Igualmente manifestamos a nossa solidariedade com as pessoas retaliadas e animamos-vos a apoiar maciçamente as mostras de apoio com todas/os aquelas/es que están a ser objeto da repressom espanhola.